გაერთე და ისწავლე

















ჩემო ლამაზებო,ვიპოვე ახალი გასართობი მათემატიკური სავარჯიშოები .აბა თქვენ იცით ითამაშეთ და თან ისწავლეთ მათემატიკა    ----რეგისტრაციის გარეშე


















                                   
არითმეტიკა


                                       
                                 ლოგიკური ამოცანები


                                    გასაფერადებლები



                              გასაფერადებლები




                               სწრაფი კითხვა

მატემატიკა


მათემატიკა -ლოგიკური ამოცანები პასუხებით





ბუნება




პოპულარული თამაშები




                                   
დავითვალოთ თითები
                    


             
დაალაგე ფერადი ფანქრები
                   





                                                   არითმეტიკა



                                            რიცხვების ფაზლი

    
                        სიტყვების აწყობა


მეხსიერების სათამაშო - ცხოველები

                                                               წიგნები 




  მაშა და დათვი –ყველა სერია(რუსულად)








                                   ბავშვები 402–ე ოთახიდან





                                გასაფერადებელი




                               მეხსიერების სავარჯიშო


                
                                  შედი და გაერთე     



                                   აუდიო ზღაპრები




                                   აუდი ლექსები



                 კლასიკური მუსიკა




                                           თამაშები



                                        გასაფერადებლები    



              გასაფერადებლები ონლაინში





                                      თამაში- იპოვე განსხვავება




                                        გასაფერადებლები- მულტფილმებიდან(ამოსაბეჭდი)




                               რიცხვებით გაფერადება-ონლაინში


                                შევაერთოთ რიცხვები




                             შევაერთოთ რიცხვები და შევქმნათ ნახატი




                             გასაფერადებეი-ცხოველები


                        გასაფერადებელი:ბუნება,მცენარეები.

             





გასაფერადებელი



გასაფერადებლები ბავშვებისათვის





გასაფერადებელი ბიჭებისათვის და გოგონებისათვის 














                                      სასწავლო თამაშები ონლაინში





                      მეხსიერების სავარჯიშო






                             პრეზენტაციები


საშობაო ზღაპარი- თოვლის პაპის დაბრუნება




     საშობაო ზღაპარი-საახალწლო სცენარი






             ამოცანა-გამოცანები!
***
ნაპირზე იჯდა ათი ბაყაყი,
სანამ მივედი, რვა წყალში ჩახტა,
სამაგიეროდ ამოხტა სამი,
როცა მივედი, რამდენი დამხვდა?
***
სამჯერ მომცეს წყვილი ვაშლი,
ხოლო ოთხჯერ - თითო მსხალი,
სულ რამდენი დამიგროვდა
გემრიელი სასუსნავი?
***
წრუწუნებენ წრუწუნები,
გასაყოფი აქვთ კაკალი,
თითოს შეხვდა სამ-სამი და
კიდევ დარჩა ორი ცალი.
დარჩეული კაკლებია,
ყველა კროლა, ყველა მრგვალი...
წრუწუნები ექვსი თუა,
რამდენია სულ კაკალი?
***
მაღლა ტოტზე ცხრა ჩიტი ზის,
დაბლა ტოტზე - შვიდი ჩიტი,
ყელი მოუღერებიათ,
გაუმართავთ ფშვიტი-ფშვიტი.
სამი ჩიტი მაღლა ახტა,
ოთხი ჩიტი დაბლა ჩახტა,
გამოიცან, ამის შემდეგ
რომელ ტოტზე მეტი გახდა?
240
***
თევზაობა უყვარს მელას,
თევზს იჭერს და ჩუქნის ყველას,
მაგრამ ახლა გასაჭირი
დასდგომია ცუგრუმელას.
ერთი ტურა, ორი მგელი,
დედა დათვი, სამი ბელი,
ყველა პატივსაცემია,
ყველა კარგი მეზობელი.
ორ-ორი რომ დაურიგოს,
ორიც თავად დაიტოვოს,
უკარნახეთ, სულ რამდენი
თევზი უნდა მოიპოვოს?
***
ზღარბმა სოკო მოაგროვა
და საშველად შვილებს უხმობს
- სოკოს გროვა ორად გავყოთ,
ეუბნება დედა უფროსს.
- შენ სამ სოკოს წამოიღებ,
მომდევნომ კი ორი ზიდოს,
პაწაწინა ტყუპისცალებს
წამოვკიდებთ თითო-თითოს.
ეგეც გროვის ნახევარი,
მეორეს კი მე მივხედავ,
მგონი ბლომად დაგვიგროვდა,
რამდენია ერთად ნეტავ?

***
წიწილამ რომ გამოტეხოს,
კვერცხებს დედის სითბო უნდა,
ჰოდა, კრუხმაც საბუდარში
ორშაბათ დღეს დაიბუდა.
იმ დღეს ორი გამოჩეკა,
სამშაბათს კი ორჯერ მეტი,
ოთხშაბათს რვა, ხუთშაბათს კი
გამოჩეკა ერთადერთი.
პარასკევს ვერ გამოჩეკა,
შაბათ კვირას - თითო-თითო,
გამოიცან, საბუდარში
სულ რამდენი კვერცხი იდო.
***
ლუკას ძმა ჰყავს პირველ კლასში,
ტყუპი და კი მეოთხეში,
უმცროსი ძმა დადის ბაღში,
ჩვილ დას სძინავს დედის ხელში.
დაითვალეთ, ზოგი კლასში,
ზოგი სახლში, ზოგი ბაღში
და მითხარით, სულ რამდენი
ბავშვი არის ამ ოჯახში?
***
წუწკმა შაკომ მაღლა ხეზე
დაითვალა კაკლები,
მარჯვნიდან თვლის - მეტი არის,
მარცხნიდან თვლის - ნაკლები.
დაეხმარეთ - კენწეროზე
არის ორი კაკალი,
მის ქვემოთ რომ ტოტი არის,
მას ჰკიდია ცხრა ცალი.
მის ქვემოთ კი ზემოების
ჯამზე სამით ნაკლები,
დაეხმარეთ მსუნაგ შაკოს,
დაუჯამეთ კაკლები.
245
***
სასეირნოდ წაიყვანა
ბატმა თავის ჭუჭულები,
პატარები, საყვარლები,
ყვითლები და ღუნღულები.
ორი ტყისკენ წაბაჯბაჯდა,
არ ნახავდეს ნეტავ ტურა,
სამმა ბოსტანს შეუარა,
ხუთმა ღელეს მიაშურა.
ერთიც დედას არ შორდება,
ბუსუსუნა, ნაბოლარა,
ოთხი თავად დაბრუნდა და
ერთი ისევ გაიპარა.
რამდენია გაფანტული,
ბატმა ვეღარ დაადგინა,
რადგან არითმეტიკაში
არის მართლა ბატისტვინა.
***
ჩემი სახლის აივნიდან
ავტოსადგომს გადავცქერი,
გადიან და შემოდიან
მანქანები ნაირფერი.
სულ 19 მანქანა დგას,
შავი - თეთრზე ორით მეტი,
დანარჩენი ფერები კი
ერთად არის სულ 11.
ერთი თეთრი გავიდა და
შემოვიდა ოთხი შავი,
მითხარ შავი რამდენია,
ამერია სათვალავი.
***
ციყვუნიას მწვანე ჯამში
23 თხილია და
5 ცალი რომ შეჭამა,
დედამ 7 ჩაუმატა.
კიდევ 5 რომ შეჭამა,
ჩაუმატა დედამ 3,
გამოიცან, შეივსო თუ
დანაკლულდა ციყვის ჯამი?
***
კლასში 15 ბავშვია,
8 გოგონა, 7 ბიჭი.
ბიჭებს დასძვრათ ორ-ორი და
გოგონებს კი თითო კიჭი.
ყველა ერთად მოაგროვეს
და ჩაყარეს ერთ ქილაში,
ვინც მიხვდება რამდენია,
დაუკარით ყველამ ტაში.
***
ოცდაოთხ ნათურიან
ჭაღს ასცქერის ათუნა,
მას ყოველი მეოთხე
გადაეწვა ნათურა,
ჰოდა, ჩემო კარგებო,
არის გამოსათვლელი,
სულ რამდენი ნათურა
არის გამოსაცვლელი.
250
***
საძოვარზე ერეკება
მიხო პაპა თავის თხებსა,
წითურს, თეთრსა, სამ შავსა და
კიდევ იმათ ბეკეკებსა.
თავში ბოტი მიუძღვებათ
ზანზალაკის წკრიალითო,
მწითურს სამი ბეკეკა ჰყავს,
თეთრს ორი და შავებს - თითო,
ბოტიც, თხებიც, ბეკეკებიც
შეაჯამეთ ამ ფარაში
და, თუ გინდათ, მიხო პაპაც
მიათვალეთ სათვალავში.
***
აივნიდან აქეთ-იქით
გამვლელებსა ვთვლიდი,
ათი იქით მიდიოდა,
მოდიოდა - შვიდი.
ანგარიშმა გამიტაცა
და განვაგრძე დათვლა,
იქით ხუთმა გაიარა,
ხოლო აქეთ - ათმა.
დაჯამება გამიჭირდა
ფიქრებს ვეღარ ვიკრებ,
საით მეტმა გაიარა
მიკარნახოთ იქნებ...
***
აქეთ პანტა მსხალია,
იქით - ვაშლი, მაჟალო,
როცა დამწიფდებიან,
სუფრა უნდა გავშალო.
ერთ მაჟალოს ზღარბს მივცემ,
ხუთ მაჟალოს - პანდას,
გოჭს სამ პანტას მივართმევ,
ბელს - ორჯერ მეტ პანტას.
ვეღარ ვიანგარიშე,
აზრი დამეფანტა,
ერთად სულ რამდენია
მაჟალო და პანტა?
***
ერთხელ სიზმრად სტუმრები
მოვიწვიე ზღაპრიდან,
სულ პირველი ეზოში
გველეშაპი დაფრინდა.
სამი თავი ჰქონდა და
სამთავ ცეცხლისმფრქვეველი,
მზეჭაბუკიც მოვიდა,
გველეშაპთა მძლეველი.
ხუთკუნჭულა, ჭინჭრაქა,
მელა, ნაცარქექია,
რუხი მგელიც მოვიდა,
ღრენია და ბრექია.
მეც მათში გავერიე,
მეც ქეიფი მომინდა,
გვერდით კი კუდიანი
დედაბერი მომიჯდა
სუფრა რომ გაიშალა
ტაშ-ფანდური გახურდა,
ამ დროს ცხრათავიანი
დევიც შემობლაყუნდა.
ალბათ მიხვდი, რა არის
გამოცანის მიზანი.
სულ რამდენი თავი გვაქვს?
აბა გამოიცანი.
***
თურმე ძველად ბოსტნის მცხოვრებთ
არ ჰქონიათ ფერი მკვეთრი,
თეთრი იყო კიტრუნა და
პამიდორიც იყო თეთრი.
ერთხელ იხმეს ბადრიჯანი
- გვიმსაჯეო კალათბურთი.
და ერთმანეთს ჩაუყარეს
ამან ხუთი, იმან - ხუთი.
გაჯიუტდა ბადრიჯანი
- არ იყოო ყველა სწორი!
კიტრს სამი არ ჩაუთვალა,
პამიდორს კი ორად-ორი.
გაგვიბრაზდნენ ძმობილები,
ვერ მიხვდნენ, რა დააშავეს,
და ის თეთრი ბადრიჯანი
ლანძღვით სულმთლად გააშავეს.
კიტრი ბრაზით გამწვანდა და
მთლად გაწითლდა პამიდორი,
ნეტავ მაშინ ვინ მოიგო
ანგარიშით: სამით ორი?
***
გუბურაში დაცურავდა
ათი იხვის ჭუჭული
და, უეცრად, მათ მოესმათ
მელიების ჩურჩული
- შენ მარჯვნიდან მიეპარე,
მე დავუვლი მარცხნიდან,
თითო მაინც თუ ვიხელთეთ,
მეტი ვახშმად არც გვინდა.
ჭუჭულების წინამძღოლი
განგაშის ხმით აყვირდა,
ხუთი ცაში აფრინდა და
სამმა წყალში ჩაყვინთა.
ორი კიდევ ღრმად შეცურდა,
შეეფარა ლელიანს,
სულ რამდენი იხვი დარჩა
ორ დამშეულ მელიას?







        

Комментариев нет:

Отправить комментарий